kuch dara sa, kuch maraa sa

Aaj kuch dara sa hu mai,
Aaj kuch maraa sa hu mai.

dosto ke ghar kaise jaau,
waha phatako ki shor me,
meri baat kaun sunega,
koi samjhe iski to umeed bhi,
dil ne ab chod di hai mere,
un galiyo par jo nakaab gire pade hai,
woh bhi kadam rokte hai mere.

pehle ek bandook dikhaayi gayi,
ek khatre ki pukaar sunvayi gayi,
phir logo ka sampark toda gaya,
siyaasat ke us taraf logon ko
giraftaar kiya gaya,
phir sansad me khade hokar,
din dahaade ek rajya toda gaya.

Dilon ko jeetne ka yeh ajeeb tarika hai,
shayaad is daur ka yahi salika hai.

Aaj faiz ki kavita bhi,
umeed nahi jagati hai,
aaj kuch dara sa hu mai,
aaj kuch maraa sa hu mai.